Bedaioko bizilagunek inkomunikatuta jarraitzen dute, eta telefonorik gabe daude azken asteetan. Bideo bidez zabaldu dute beraien kexa eta eskaria. "Egin kontu, telefonorik ez daukagu", diote.
Ezin dute telefono deirik egin, eta aspaldian salatu zuten telefonoaren kableak lurretik dabiltzala. Internet zerbitzuarekin ere ez daude oso konforme Bedaion. Egoera salatzeko herritarrek pankartak jarriak dituzte azken hilabeteetan, eta orain, bertsoak idatzi eta bideo bidez zabaltzea erabaki dute: "Nork konponduko digu gure aberia?".