David Azurza tolosarra arduratu da kudeaketaz eta koordinazioaz. «Kontzertua kalean egitea zen hasierako asmoa, baina azkenean bideo bat egitea erabaki dugu. Une honetan ezin ditugu ez entseguak egin, ezta kontzertuak eskaini ere; hortaz, etxean grabatutako bideoa bidali du abeslari bakoitzak», azaldu zuen aurkezpen egunean.
Guztira, 160 lagunek hartu dute parte inauterietako lau abestiz osatutako suitearen grabaketan. Iriyarena, Pastelero, Pello ziri-ziri eta Baratzeko pikuak dira kantu horiek. «Instrumentazio aldetik ere ezberdina da, boskote batekin osatu baita grabaketa, ohiko txaranga edo bandak alde batera utzita. Gainera, Egan taldeko Xabier Saldias bakarlariak ere kolaboratu du».