Sutea izan da goizaldean, Tolosako Santa Luzia auzoko etxe bateko ganbaran. Kalte ugari eragin ditu estalkian eta azkeneko solairuan, baina ez da zauriturik izan.
Tolosaldeko eta Goierriko suhiltzaileak aritu dira sua itzaltzeko lanetan. Goizaldeko 3:00ak aldera jaso dute abisua, eta "uneoro kontrolpean" izan dutela adierazi dute; 5:00ak alderako itzali dute.
Une horretan, lau bizilagun zeuden etxe barruan. Ez dute zauririk, baina eraikinetik atera behar izan dute. Orain, sutea zerk eragin ahal izan duen aztertzen ari da Ertzaintza.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!