Eguerditik hasita eta arratsaldeko zortziak arte egongo dira Olentzero eta Mari Domingi Tolosako San Esteban auzoan kokatuta dagoen Gure Zirkuan. Aurretik txanda hartuta joan daiteke bakarrik bertara.
Lehenbizi karpa batera sartzen dira bisitariak, eta bertan Tolosako erraldoiak daude, beraiekin argazkia ateratzeko. Ondoren, beste karpa batera sartuta, Olentzero eta Mari Domingi daude bertan. Haurrek argazkiak ateratzeko aukera dute, distantzia batera. Bisitan joaten diren hainbatek opariak uzten ari dira, eta gero horiek elkarteren baten bitartez banatuko dira.