Errege egunera bitarte Tolosako dendetara joaten direnek, Topic zentroko panpin eta txotxongiloak ikusi ahal izango dituzte herriko 25 saltoki baino gehiagoren erakusleihoetan. Ekimena Topic eta Tolosa & Co elkarteak egin dute, Retablo de Figurillas txotxongilo konpainiari esker. Izan ere, Tolosako zentroak Nafarroako Gobernuak konpainia horren funtsa jaso zuen eta funts horretako hainbat lan eta Topic-eko Gabonetako txotxongiloak jarri dituzte erakusleihoetan. Denda horietan erosten dutenek etxean txotxongiloak egiteko xafla batzuk jasoko dituzte gainera. "Ekimenaren bidez garai zail hauetan Topic-ek irribarre bat atera arazi nahi du eta dendetara beren xafla jasotzera joango diren haur horiek inoiz ez ditugula ahaztuko sentitzea nahi dugu", esan du zentroak.
Hauek dira ekimenera batu diren dendak: NZB, Imanna, Neuda, Esnal, Aranguren, Arantxa arrandegia, Tuduri, Avalon, Bizziz, Mauka, Berezi, Xirimiri, Muñazabal burdindegia, Marilyn, Aralart, Shunka, Pottoko, Richard argazkilaria, Báb, Ross, Ponpox, Xinda, Le True eta Bakartxo.