"2020 urte oso gogorra izan da Carrefour Market Tolosa supermerkatuko langileentzat", ELAk esan duenez. "COVID-19ak eragindako pandemian lehen lerroan daude, lan karga izugarriak dituzte eta ez dute enpresaren aldetik inongo eskerrik jaso. Salmenten igoeraren ondorioz, lan karga handitu da eta ez dute langileria gehitu. Carrefourrek poltsikoak bete ditu langileen lanaren kontura", gehitu du.
Hori dela eta, sindikatuak "langileen esfortzua eta lana konpentsatu" behar direla esan dio enpresari eta horretarako "modu hoberena" abenduaren 24 eta 31ko arratsaldeetan langileei jai ematea dela esan du. Baina enpresak ez du eskaera onartu. "Langileak haserre daude eta Tolosako kaleetan horrela adiera dute, Gabonak gozatzeko eskubidea aldarrikatuz. Beraz, abenduaren 24 eta 31n 14:00etatik aurrera, dendara ez joateko eskaera egiten dute".