Europako Koparen proba batekin hasi zuen neguko denboraldia Imanol Rojo iraupen eskiatzaile tolosarrak Goms-en, Suitzan. Herrialde horretan jarraitu du lehiatzen Rojok, oraingo honetan Davosen eta Munduko Kopako proba batean.
Aurreko asteburuan izan zuen proba eta 41. postuan amaitu zuen, irabazlearengandik 2 minutu eta 32 segundora. 35.20ko denbora behar izan zuen Rojok hamabost kilometroak egiteko.
Davoseko proban lau azkarrenak errusiarrak izan ziren, eta Rojok parte hartu zuen lehen proban, Europako Kopakoan, aurreneko biak ere errusiarrak ziren. Proba horretan Rojok 25. egin zuen, irabazlearengandik 2 minutu eta 15 segundora.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!