Targazki, Tolosaldeko Argazki Taldeak banatu ditu aurtengo Tolosa Herria 2020 Argazki Lehiaketako sariak.
Aurten, argazki lehiaketan 331 argazkilarik parte hartu dute. Tolosako eta Tolosaldeko herritarrez gain, Euskal Herriko eta munduko beste leku askotakoek parte hartu dute. Zehazki, 108 parte hartzaile izan dira Euskal Herrikoak, eta horietatik 14 izan dira Tolosaldekoak.Antolatzaileek aipatu dutenez, "parte hartze internazionala izan da, eta esaterako India, Eskozia, Iran, Hungaria edo Hego Ameriketako leku askotatik jaso ditugu argazkiak". Hego Ameriketako 16 parte hartzaile izan dira, Europako bost eta Asiako 4. Aldiz, gazteen aldetik parte hartze txikia izan dutela azpimarratu dute. Bostek parte hartu dute. Beste behin ere gizonezkoen parte hartze handia izan dela aipatu dute, nahiz eta emakumeen parte hartzea gorantz doan. Parte hartzaileen %70a gizonezkoa izan, eta %30 emakumezkoena.Aurten, helduen atalak berrikuntza izan du. Hiru argazkiko serieak eskatu dituzte lehiaketan parte hartu ahal izateko.Gazteen sariak:1. Beñat Rodrigo. Elurraren argitasunean
2. Aitz Gurrutxaga. Astoa mendian
3. Imanol Lopetegi. Naturan jolasean
Bertako sariak:1. Ibon Azpilikueta. Zarautz pinhole
2. Miren Atxaga. Kirolean
3. Ruben Caceres. Una vida nuevaHiru argazkiko kolekzioaren sariak:1. Sonia Zubeldia. Azala
2. Francisco Tejada. Luz e incienso
3. Jose Agustin Gurrutxaga. La piscinaSariak emateko ardura Targazkiko ordezkariek izan dute, eta alboan izan dute Tolosako Udaleko zinegotzia den Izarne Iglesias. Esan behar da irabazleetako batzuk ezin izan direla sari banaketara bertaratu. Behin sariak banatuta, erakusketa zabalik geratu da kalean. Formatu handiko erakusketa jarri dute artxiboaren inguruan, beraz, edozein momentutan ikusi daitezke aurtengo lehiaketako argazki saridunak.