Urriaren 21 gaueko haizeteek hainbat kalte eragin zituzten Elosegi Parkean. Geroztik, herritarren segurtasuna bermatze aldera, itxita egon da. Orain, konponketa, egokitzapen eta ikuskapen lanak egin ondoren, berriro ireki dute segurtasun berme guztiekin. Udaletik adierazi dute parkearen goiko gunean eragin zituela haizeak kalte gehien, "hainbat zuhaitz, adar eta enbor kaltetuz". Gianeratu dutenez, parkearen ezaugarriengatik, lanak egin ahal izateko beharrezko makineria mugitzerakoan hainbat zailtasun sortu dira, eta horregatik luzatu dira lanak.
Zedroz, zipresez, haritzez, pagoz eta ezkiz osatutako baso txiki bat da Elosegi parkea, muxarren, koartzen, saguzarren, anfibioen eta intsektuen babeslekua. Berdegune hau asteartean zabalik egongo da berriro ere herritar guztientzat. Aisialdirako gune gisa ireki zen parkea uztailean, eta egunero egoten da irekita, 8:30eatik 21:00ak arte. Gogorarazi dutenez, debekatuta dago parke barruan dagoen bidetik ateratzea, segurtasunagatik.