Erabiltzaileen asebetetze-maila neurtu eta iritziak jaso nahi dira. Gipuzkoako zinema aretoen inguruko ikerketa bat egiten ari dira ikasleak, eta aurreko astean Leidorreko langileei egin zieten galdeketa; orain, berriz, erabiltzaileengana zabaldu dute inkesta. Udalaren esku egongo dira datuak, erabiltzaileen asebetetze-maila neurtu, haien iritziaren berri izan eta etorkizunerako hobekuntzak bideratzeko. Hemen klik eginda bete daiteke inkesta.
Astebururako eskaintza
Hainbat kultur jarduera antolatu ditu Tolosako Udalak egun hauetarako. Guztien ordutegia Eusko Jaurlaritzaren neurri berrietara egokitu da. Hortaz, Leidorreko ekitaldi eta filmak 19:00etan hasiko dira; haurren zinema, berriz, 16:00etan. Atzo, El Rey filma ikusteko aukera izan zen. Bestetik, une honetan bertan, E.C.L.A.T. antzerki-dantza emanaldia eskaintzen ari da Adriana Bilbao.
Bihar, etzi eta astelehenean, Erlauntza filma ikusteko aukera izango da Leidorren, 19:00etan hasita. Zinemara eramandako antzerki obra honek arrakasta handia izan duen Tolosan. Haurrentzako zinemari dagokionez, El Arco Mágico pelikula eskainiko da igandean, 16:00etan. Sarrera guztiak eskuragarri daude online kutxako webgunean edo Leidorreko lehiatilan.