Tolosako Udalak jakinarazi du Usabalgo Bellota pabiloia garbitu egingo dutela azaroaren 16 eta 17an. Horregatik, joan den astean egindako bileran eta baita posta elektroniko bidez, karroza eta konpartsa guztietako kide eta jabeei jakinarazi zaie aurretik beren materialak jaso behar dituztela azaroaren 13a baino lehen. Ondoren, garbiketa lan sakonak egingo dituzte eta bertako kideek jaso ez duten guztia bota egingo da.
Karroza eta konpartsen jabeek bertan dituzten materialak jaso beharko dituzte azaroaren 13a baino lehen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!