Mendi biluzia filmaren emanaldia 20:00etan izango da eta sarrerak Leidorreko leihatilan edo Kutxabank-en webgunearen bidez erosi ahal izango dira. Filmaren eta liburuaren bitartez azalduko du mendizaleak berak 2016ko neguan Nanga Parbatera egindako igoera. Izan ere, Nanga Parbateko tontorrera heldu zen, neguan, historian lehen aldiz. Txikonek berak ekoiztutako eta zuzendutako film luzea da Mendi biluzia eta COVID-19ak eragindako konfinamenduan ondu zuen.
Bestetik, izen bereko liburua sinatuko du Txikonek. Eskuz idatzitako 230 orriko kontakizuna da Mendi biluzia librurua (Sua argitaletxea) eta 90 argazki baino gehiago biltzen ditu. Tom Ballard eta Daniele Nardiren erreskatearekin abiatzen da kontakizuna. K2ko oinarrizko kanpalekutik abiatu eta espedizioaren xehetasunak azaltzen ditu mendizaleak.