Iñigo Urkullu EAEko lehendakari izendatu berriak bihar egingo du karguaren zina, hirugarrenez. Ondoren, EAJ eta PSE-EEren koalizio-gobernuak izango dituen bi lehendakariordetzak eta hamaika sailak gidatuko dituztenen izen-abizenak iragarriko ditu lehendakariak. Bada, dagoeneko izen batzuk eman dituzte jakitera, eta horietako bat da hezkuntza sailburu berriarena. Hain justu, Jokin Bildarratz azken zortzi urteetan senatari izan dena eta Tolosako alkate ohia izango da kargua hartuko duena.
Sailburuek datorren asteartean, irailaren 8an egingo dute karguaren zina, eta egun berean egingo dute hamabigarren legealdiaren lehen gobernu bilera.