Frantziako Plouay herrian da Eukene Larrarte, Europako emakumezkoen 23 urtez azpikoen txapelketan. Gaur goizean jokatu du proba eta tropel nagusian iritsi da helmugara. Probako irabazlea Elisa Balsamo italiarra izan da; Larrartek hark egin duen denbora berdinean amaitu du lasterketa, baina, atzetik iritsi da.
Sailkapen orokorrean, 32. postua lortu du Tolosako txirrindulariak. Goizeko bederatzietan hasi da lasterketa eta, guztira, 81,9 kilometro egin dituzte bi ordu eta hamabost minutuko denboran.