Atzo jokatu ziren 45. Txapela Oroigarriko azken partidak, Tolosako Berazubi frontoian. Arratsaldeko 18:30ean hasi zen jaialdia eta jokatzen lehenak Zelaia eta Loidi izan ziren, Zabalaren eta Silanesen aurka. Hirugarren eta laugarren postuak jokoan, Zelaiak eta Loidik eskuratu zuten garaipena 30 eta 18 tantoko markagailuarekin.
Horren ostean iritsi zen finala: Arregi eta Urigoitia alde batetik, Iraola eta Salegi, bestetik. Partida estua jokatu ondoren, azkenean, Iraola eta Salegi gailendu ziren. 30-21 hartu zituzten mendean Arregi eta Urigoitia. Horrela, 45. Txapela Oroigarria Iraola eta Salegiren eskuetara joan zen.