LAB sindikatuak jakitera eman duenez, Osakidetzeko oposaketen kasua ematen ari den Ana Jesus Zulueta epaileak auto bat kaleratu du. Auto horretan, epaileak euren hainbat eskari kontuan hartu dituela jakinarazi dute: "Neurokirurgia epaimahaiburua inputatzeko, 24 pertsona lekuko gisa deklaratzen hasteko eta 2020ko ekainaren 9an eskatutako hainbat ofizio hasteko egindako eskaerak babesteko".
LAB sindikatutik Tolosaldeko Ataria-ri esan diotenez, egoera ondorengoa da: "Epaileak 24 lekuko horiei diligentziak egingo dizkie, baita inputatu berriari ere. Informazio gehigarri horrekin, Xabier Balerdi eta beste kideak inputatu edo ez erabakiko luke. Gure ustez nahiko zantzu badago inputazio hori eman dadin, eta ondorioz, ikusiko dugu orain zein urrats eman".
