erreakzioak

"Ciudadanos-ekin joan izanak ez du espero bezala funtzionatu"

Tolosaldeko Ataria 2020ko uzt. 13a, 12:00

Pello Atxukarro PPren hautagaiak azaldu duenez, emaitzak ez dira onak izan. "Postuak galdu ditugu parlamentuan, eta aztertu beharko dugu sakonago zergatik gertatu den".

Balantze sakonago baten zain, lehen balantzea egitean, Ciudadanos alderdiarekin elkarrekin joan izanak ez duela funtzionatu uste du Atxukarrok. "Ez du espero genuen bezala funtzionatu. Herritar batzuk ez dute ondo ikusi, eta nire ustez ez dute ondo gainditu elkarrekin joan izana. Alfonso Alonsoren dimisioa ere ekarri zuen horrek, eta alderdiaren barruan eragin handia izan du". 

Abstentzioari dagokionean, oso handia izan dela nabarmendu du, eta horrek ere "kalte" egin diela: "Gure ustez, horrek zuzenean eragin digu, zati handi bat guri egokitu baitzaigu".

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!