2010ean sortutako taldea da Star Blues. Jatorria Goierri aldean badu ere, bertako lau kideetatik hiru eskualdekoak dira. Jon Labaien teklatu jotzailea eta Fermin Etxeberria bateria jotzailea tolosarrak dira, eta Urko Ruiz de Apodaka baxu jotzailearen lekua hartu berri duen Mikel Atxega anoetarra da. Azkenik, Jon Barreros gitarra jotzailea eta abeslaria da goierritar bakarra, beasaindarra baita.
Duela bi hilabete ez zekiten noiz itzuliko ziren oholtzetara. Bada, gaurkoan horretarako zortea izan dute. Ez da oholtza batean izan, baina luzaroan geldirik egon ondoren, kontzertu bat eskaini ahal izan dute. Ez dira profesionalak, baina euren kantuak dituzte, baita bi disko ere. Gainera, musika estilo honetan euskaraz abesten duten gutxienetakoak izango dira, euren izaera propioa ematen diotelarik.
Gaurko saioan, bi disko horietako zenbait kantu jo dituzte, eta horiez gain, bertsio ezagunak ere entzun ahal izan ditu publikoak. Ederki asko gozatu dute ikus-entzuleek, hori nabari baitzen musikarien lana txaloz eskertzean.