"Astelehenean ez ditugu ikasgelak irekiko", horrela adierazi du Gartxot Agirre Herrikideko Bigarren Hezkuntzako zuzendari titularrak. Ekaina hasierako data ikusten dute aukera posible bezala berriro klase presentzialak berreskuratzeko Kristau eskolen sarean, baina oraindik ezin dute ezer konfirmatu.
Batxilergoko bigarren mailako ikasleek aste honetan hasi dituzte hirugarren ebaluazioko azterketak eta online programatu dituzte ikastetxetik. Ekaina hasieran izango dira ohiko azterketak, ikasgaien bat gainditu ez dituztenentzat eta ekainaren 10ean ikasturtea bukatutzat emango dute. Hortik aurrera, unibertsitatean sartzeko proba prestatzeko saioak izango dira. "Prestaketa hori online edo modu presentzialean egingo dugun ez dakigu, pentsatzekoa da, ordurako, osasun egoera hobetu eta aurrez aurreko eskolak antolatu ahal izango ditugula".
140 ikasle ari dira, gaur egun, Herrikiden Batxilergoa ikasten, lehenengo eta bigarren mailan. DBHko laugarren mailako ikasleak maiatzaren 25ean ikasgeletara itzultzeko aukera jarri zuen mahai gainean Eusko Jaurlaritzako Hezkuntza sailak joan dan astean. "Ez dugu garbi ikusten hasi ahal izango garen, ezta nola eta zein baldintzetan. Ez digute ezer esan. Oraingoz ez gaude hasteko moduan, ez dakit prest egongo garen maiatzaren 25erako edo aurrerago beharko duen", esan du Agirrek.
/cache/orixe%20(2)_tokikom_735x413.gif)