Mikel Arruabarrena futbolari ohiak hartuko du Tolosa CF-ko 3. mailako taldearen entrenatzaile postua. Hurrengo denboraldian talde urdina gidatu beharko du. Arruabarrenak lehenik eta behin eskerrak eman dizkio taldeari aukera hau eskaintzeagatik. "Momentu berezia" dela aitortu du. Bere txiki-txikitako taldea izan dela ekarri du gogora, eta bertan hasi zela futbolean.
Dagoeneko lanean hasia da, eta plangintza egiten hasita daudela azaldu du; ahalik eta talderik "onena" osatzeko eta "lehiakorrena" izateko. Tolosa hirugarren mailan egotea izango dute helburu. "Denon indarra, ahalegina eta gogoarekin uste dut lortuko dugula", dio.