Jaieguna izan arren Tolosako kaleak emakumeez bete dira gaur. Tolosaldeko herri desberdinetako emakumeak gerturatu dira Tolosara haien aldarria egiteko; berdintasunaren aldeko borroka. Eli De Arriba Tolosaldeko Asanblada Feministako kideak argi azaldu du zein den gaurko helburua: «Emakumeok kaleak hartu behar ditugu, bisibilizatu egin behar gara eta gure borrokak leku guztietara iritsi behar du, mundu guztia sentsibilizatu dadin gaur egun daukagun egoeraren aurrean». De Arribak atzo Anoetan egindako ekimena izan du gogoan eta esan du «aliantzak sortzeko eguna» izan zela.
