Aurten, gure elkarteak 90. urteurrena ospatzen duen honetan, egun guzti hauetan gurekin eta gurekiko izandako keinuak eskertzeko idazten dugu.
Tolosako hainbat elkarte, txaranga, kirol talde, bizilagun izan dira, bizitzen ari garen egoerari, eta une larri honi elkartasuna adierazi eta edozein laguntza mota eskaini dutenak.
Elkartasun keinu hauek hunkitu egin eta egiten gaituzte, Tolosako herriaren gertutasuna iritsi zaigu eta babestuak sentitzen gara. Beraz, besterik gabe, Txinparta elkartearen izenean, jaso ezazue gure eskerrik beroena eta besarkada handi bat, adeitasunez.