Udaletxeko arkupeetan jo dituzte lehen piezak txistulariek. Izan da apropos alboradara jaiki denik, baina baziren atzo gauekoa luzatu duten beste asko ere. Plaza Zaharrean hasi, eta Berdura eta Gorriti plazak igaro dituzte, Gaztelako Arkuan amaitzeko.
Eta hori, anis trago eta gaileta batzuk janda. Urtero legez, herri lanetarako langileek anis trago eta gailetan banatu dituzte udaletxeko arkupeetan inauterizale guztientzat. Horren ostean, batzuk lotarako bidea eta beste askok zezen plazarakoa egin dute, txarangen atzetik.