Gernikako Arbolan egin dute hitzordua Tolosako erraldoiek eta 11:00etan abiatu dira bertatik Tolosako dultzaineroen laguntzaz. Alde Zaharreko kaleak zeharkatu dituzte eta ohiturazko dantzak ere eskaini dituzte, besteak beste Plaza Zaharrean eta Plaza Berrian. Haiekin batera ibili dira buruhandiak txikienen atzetik korrika.
Ikasle bandaren kalejira ere Eduardo Mokoroa Musika Eskolako ataritik abiatu da 11:30ean. Tolosako kaleak zeharkatu dituzte eta inauteritako piezak eskaini dituzte kalejiran.
