20 urte, feminismoak Zaldunita bezpera aldatu zuenetik

2000. urteko inauteriak inflexio puntu bat izan ziren Tolosan, Zaldunita bezperan azkenekoz ospatu baitzen, erreginaren eta damen aukeraketa; Silvana Ostiza izan zen aldaketa eragin zutenetako bat

Hogei urte egin behar da atzera, Tolosako danborradak azkenekoz erreginaren eta damen karroza eraman zuenera itzultzeko. 2000. urteko Zaldunita bezperan amaitu zen, Tolosako Emakumeak izeneko talde feministak urtetan eskatutakoaren bidetik, mugimendu feministak urtetan gaitzetsitako ekitaldia, eta geroztik bestelako itxura eta formak hartu izan ditu larunbat iluntzeko ospakizunak.

Euskal Herritarrok alderdiak alkatetza lortu zuen, 1999an, eta gobernua martxan jarri zen, askoren ustez emakumea objektu bilakatzen zuen festa deuseztatu, eta bestelako hitzordu bat antolatzeko. Silvana Ostiza zinegotzia zen garai hartan, eta gogora ekarri du bete-betean bizi izandako prozesua, Patxadaz saioan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!