Zezen plazako sarrerak, gaurtik aurrera salgai

16:00etan jarriko dituzte eskuragarri, interneten.

Inauterietako zezen festak ikusi ahal izateko sarrerak gaur arratsaldean eskuragarri izango dira. Azken urteotan egin bezala, Tolosako Udalak sarreren %70 internet bidez eskainiko ditu; %25 Leidorreko leihatilan eskuratu ahal izango dira, eta azken %5 zezen festen aurretik leihatilan izango dira.

Gaur, 16:00etatik aurrera, www.bibe.me webgunean erosi ahal izango dira sarrera, 3,25 euroan; gehienez ere bost. Leidorrekoak lortzeko, berriz, estreinakoz, izena eman beharko da aurrez, www.tolosa.eus/inauteriak atarian, hilaren 12 eta 13an; gero zozkatu egingo dituzte sarrerak, hilaren 14an.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!