Elkartasun txotxa, Caminos eta Eizagirrerekin

Tolosaldeko Ataria 2020ko ots. 1a, 13:03

Zerkausia sagardotegi erraldoi bihurtu zuen, atzo, Casino elkarteak. Laugarren urtez jarraian, elkartasun keinua eginez ospatu zuten elkartasun txotxa. Irene Caminos eta Nerea Eizagirre kirolariek izan zuten txotx irekiera egiteko ardura. 

Agurra dantzatu zieten, eta lehen sagardo txotxak egin zituzten Caminos eta Eizagirrek, elkarteko arduradunekin batera. Tolosako alkatea Olatz Peon ere bertan izan zen. Emakume kirolariei egindako errekonozimenduarekin "gustura" agertu ziren bi kirolari lagunak.

Behin kupelak zabalduta, afaltzera eseri ziren bertaratuko guztiak.

Aburuza, Zabala, Begiristain, Goikoetxea, Eguzkitza, Isastegi eta Sarasolako sagardoek osatu zuten Zerkausiko sagardotegia. Aurten, afariko irabazi ekonomikoak, Kellesensa Gobernuz Kanpoko Erakundera bideratuko dituzte.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!