Inauterien bueltan sortu ohi diren bizikidetza arazo nabarmenenak konpontze bidean, Tolosako Udalak aholkularitza enpresa bat kontratatu du, zaratari eta segurtasunari lotutako neurriak hartzeko. Lana bukatuta, udalbatzako talde guztiek bat egin dute aholkularien proposamenekin, eta orain herritarrei eta eragileei aurkeztu nahi dizkiete, haien adostasun eta inplikazioaren bila. Joan den astean egin zituzten lehen bilerak, eta hilaren 28an izango da hurrengoa.
Inauteriak «herritik eta herriarentzat» direla azpimarratuz, udalak garrantzi berezia eman dio proposamenak aurrez aurre aurkezteari. Bide horretan, aisialdi taldeekin eta karroza eta konpartsekin elkartu dira honezkero, eta txarangetako kideekin elkartuko dira, datorren urtarrilaren 28an. Herritarrentzako deialdi irekia izango da azkena, otsaileko lehen astean, eta ordu eta lekua aurrerago iragarriko dituzte.
Behin eragile guztiekin gaiaz hitz egindakoan, Tolosako Udalak ezagutzera emango ditu 2020ko inauterietarako neurri eta proposamen berriak.
Aisialdi taldeekin eta karrozetako ordezkariekin bilduta, asteartean txarangekin elkartuko da udala.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!