Goizean goiz hasi dira, San Esteban auzoko baserri eta inguruak girotzen, bai txistulariak baita trikitilariak ere. Ondoren, 2x2 Bolei Txapelketaren finala jokatu dute, eta San Frantzisko elizan, auzoko hildakoen aldeko meza izan da. Auzoko txaranga ere kalera irten da, giro kaskarra alaitu nahian. Une honetan, auzoko babarrun jatea egiten ari dira Ferialeku kanpoan, eta gaurko eguna borobiltzeko, Joxe Jabier Mendizabalekin karaokea eta dantzaldia egingo dute; Toka Txapelketa ere jokatuko da, eta horrez gain, gaztaina jatea egingo dute.