Kulturgintzaren ardatzean dantza egin ohi du Galtzaundi euskara taldeak antolatutako Sormenetik egitasmoak. Larunbat goizak eta Zerkausi azpiko ontziralekua uztartu, eta elkarrizketa gune bat sortzen dute, hainbat diziplina ukituz. Bada, bihar izango da urteko bigarren saioa, eta euskal dantza izango da protagonista, Tio Teronen Semeak dantza taldeko kideekin.
11:00etatik aurrera, euskal dantzaren transmisioa eta berritzea izango dituzte hizpide, Oihana Iguaran elkarrizketatzaileak gidatuta eta, hizketaldi amaieran, beren emanaldi zatitxo batez gozatzeko aukera izango dute bertaratuek.