Aldabarako igoeran parte hartu dute 33 txirrindularik eta guztiek izan dute helmugan saria. Gizonezkoetan lehena, Telmo Belamendia beasaindarra izan da eta 12 minutu eta 5 segundoko denbora behar izan du Aldabara bitarteko bidea egiteko. Lehen emakumezkoa Maria Apalategi ikaztegietarra izan da, 17 minutu eta 56 segundoko denborarekin. Gazteetan lehena, 13 urteko Egoi Agirrezabala alegiarra izan da eta 16 minutu eta 35 segundoko denbora markatu du helmugan.
Sari banaketa ekitaldiaren ondoren, zahagiardoa izango da Aldabako frontoian eta bingo jokoaren ondoren Elizagoien ahizpekin erromeria egingo dute. Bihar jarraituko du festak.