EHF Europako Kopako partida ikusteko aukera egongo da Tolosan, igandean, 12:00etatik aurrera Usabalen. Super Amara Bera Beraren debuta izango da Europako txapelketan. Lehen kanporaketan LK ZUG talde suitzarrari egin beharko dio aurre.
Tolosakoa itzulerako partida izango da. Izan ere, bezperan, Donostiako Gasca kiroldegian jokatuko dute joaneko partida, 18:00etatik aurrera. Zozketan erabakitakoaren arabera, lehen kanporaketa hori gainditzen duen taldeak, hurrengo kanporaketa ASC Corona 2010 Brasov talde errumaniarraren aurka jokatu beharko du. Tolosan jokatuko den partidaren garrantzia, beraz, ez da nolanahikoa izango.