22:15 aldera izan zen atzo istripua, N-1 errepideak eta A-636 errepideak bat egiten duten lekuan, Donostiako noranzkoan. Ibilgailua KTM Duke motor bat zen: errepidetik irten zen eta trafiko seinale bat jo zuen gero. Ezbeharraren ondorioz, motorrean zihoan gizonezkoetako bat, 51 urteko tolosarra, hilik suertatu zen momentuan; beste bidaiaria, berriz, 50 urteko gizonezko tolosarra, zaurituta eraman zuten Donostia Ospitalera, pronostiko erreserbatuarekin.
Behin heriotza berretsi eta epailearen egitekoak amaituta, gorpua Donostiako Auzitegiko Medikuen Zerbitzura eraman zuten, dagokion autopsia martxan jartzeko. Bitartean, polizia istripua eragin ahal izan zuten arrazoiak ikertzen ari da.
Istripuaren ondorioz, trafikoa itxita izan zen puntu horretan, errepidea erabat garbitu zuten arte.