Giuseppe Finzik musikalki zuzenduko du, 2017an Valentziako Palau de les Arts antzokian Emilio Lopezen gidaritzapean estreinatu zen ekoizpena. Madame Butterflyren papera jokatuko du Artetak eta Donostiako emanaldian Euskadiko Orkestra Sinfonikoak eta Easo abesbatzak hartuko dute parte.
Kursaalen, abuztuaren 13an eta 15ean izango diren emanaldiak aurkezteko ekitaldian Artetak esan du gaztetan ez zuela amestu ere egiten Butterfly kantatzearekin, baina adinarekin ahotsean sendotasuna eta heldutasun emozional nahikoa lortu duela horrelako pertsonaia bati heldu ahal izateko. Ziurtatu du Donostian jendearen "konplizitatea, laguntza eta babesa" izango dituela.
