[AZKEN ORDUKOA] Sutea izan da Aldabatxikiko enpresa batean

Tolosaldeko Ataria 2019ko abu. 7a, 10:19
@SuhiltzaileGIP

Langile bat erietxera eraman behar izan dute kea arnasteagatik; 05:00 aldera lortu dute sua itzaltzea

Goizaldeko 01:45 aldera jaso dute abisua suhiltzaileek. Tolosako Aldabatxiki auzoko pentsuen enpresa batean piztu da sua eta Tolosa, Ordizia eta Legazpiko parkeetako suhiltzaileak gerturatu dira bertara. Kontrolpean hartu dute sutea 02:15 ingururako eta 05:00etan erabat itzaltzea lortu dute. Oraingoz ez dakite zerk eragin duen sua.

Enpresako langile batek kea arnastu du eta erietxera eraman behar izan dute. Kalte materialak ere izan dira lantegian eta zenbait makinek kalteak izan dituzte.

@SuhiltzaileGIP
Gizartea Tolosa

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!