Realaren bigarren taldea utzi eta Asteras Tripolis talde greziarrera joatekotan da Ander Gorostidi tolosarra. Eneko Capilla da taldeko entrenatzailea eta Greziako lehen mailan jokatzen du. Tolosarrak hiru denboralditarako sinatuko luke kontratua, baina Realak berriro erosteko aukera izango luke.
Pasa den denboraldian, dezenteko lekua izan du Sansen. 27 partidatan 2.000 minutu inguru jokatu ditu eta hiru gol sartu. Denboraldi-aurre honetako lehen partidan, 45 minutu jokatu zituen eta kapitaina izan zen.