Euskal Herriak munduko kultura desberdinekin izan duen harremanaren adierazle

Munduari emandako lehen itzuliaren bosgarren mendeurrenaren barruan antzinako musika jorratzen duen Euskal Barrokensemble taldeak 'Lehen mundu bira: Juan Sebastiuan Elkano' diskoa kaleratu berri du. Bi helburu dituela lanak kontatu du Miren Zeberio tolosarrak, "euskal kulturan sakontzea ondare artistiko hau berreskuratzeko asmoz, eta Euskal Herriak munduko kultura desberdinekin izan duen harremana agerian jartzea".