Espainiako 20 urtez azpikoen atletismo txapelketan eskualdeko bi atletek urrezko domina lortu dute. Ander Uranga anoetarrak 200 metrotan eta Erkki Zeberio tolosarrak luzera jauzian.
Erkki Zeberio Atletico San Sebastian taldeko kidea da. Granollers-en jokatu diren Espainiako txapelketetan, bi domina lortu ditu. Urrezkoa luzera jauzian eta zilarrezkoa, Ander Urangarekin batera, 4x100 metro erreleboetan.
Luzera jauziko garaipena izugarria izan dela azaldu dute Atletico San Sebastian taldetik: "Azken aukera geratzen zitzaion eta seigarren postuan zegoen. Jauzia izugarria izan zen, 7,28 metro eta txapeldun".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
