'Aralar pastela' zuzenean prestatzeko aukera izan zuten finalean, bideo errezetari esker bertarako txartela lortu ondoren. Larunbatean izan zen finala, eta bi ikasleek diploma etxera eramatea lortu zuten.
Aiton-amonen errezetak oinarri hartuta, kutsu berritzailea eman eta sukaldeko errezeta bat prestatzea zen lehiaketaren helburua. 12-14 eta 15-17 urte bitarteko gazteei zuzendutako lehiaketa da, eta 2 eta 4 lagun bitarteko taldetan hartzen dute parte.
Errezeta moldatu eta prestatu egin behar zuten partaideek lehen fasean, eta prozesua bideoan jasota, webgunera igo. Orixeko ikasleek, gehienez 4 minutukoa izan behar zuen bideo bat grabatu dute errezetaren jatorria, zergatia, errezeta, erabilitako produktuak eta tresnak eta azken emaitza azalduz.
