Tolosaldea Garatzenek eskualdera begira Abaltzisketan aurkeztu zuen egitasmoa, txikienei begirakoa izan da. Eta orain, Ingurumenaren Nazioarteko Egunaren harira, eskualdeko gaztetxoentzat antolatu dute topaketa Zumardiaundian. Eguraldia ez da oso ondo portatu, baina Superheroiek ginkana eta jolasak egin dituzte, Intujairen eskutik. Izpi superheroia izan dute laguntzaile. Jarraian, Superheroien merendola egin dute, eta argazki batekin amaitu dute Energiaren superheroien festa.