Aurreko asteburuan Oria eta Urumea ibaietan ibili ondoren, ekainaren 15ean Bidasoan eta ekainaren 16an Pasaia eta Oiartzun inguruan piragua zeharkaldia egiteko proposamena egin du Zumardiak. Zortzi laguneko taldea osatu behar da, eta asteburu osorako irteera egitea pentsatu dute. Elkartearen gunean, www.zumardia.eus-en, egin daitezke izen-emateak. Horrekin batera, ekainean eta uztailean, astebeteko ikastaro trinkoak eskainiko dituzte, astelehenetik ostiralera, egunero ordu eta erdiz, piraguan eta paddle surf-ean ibiltzen ikasteko.
Mendiarekin loturiko ikastaroak ere izango dira. Ekainaren 29an eta 30ean, Auñamendietan mendian autonomiaz gaua egiteko ikastaroa eskainiko dute. Mendiko bizikletaz ibiltzen ikasteko ikastaroak egingo dituzte, ekainean eta uztailean, astebetez, eta 11 eta 15 urte bitartekoentzat Hernio eta inguruko mendi eta herrietan barrena bost eguneko zeharkaldi bat egiteko aukera eskainiko dute. Uztailaren 15etik 19rako txandan oraindik badago tokia.
Besteak beste, Josu Iztuetarekin piragua zeharkaldiak egiteko aukera izango da, ekainaren 15 eta 16an.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!