Gaurkoan, Tolosan azken astean bildutako albisteak ekarriko ditugu estudiora. Tartean, Herrikide ikastetxeko irakasleen eta Tolosaldea Bus-eko langileen greba, Berazubi auzoko II. Gastronomika Jaialdia edota Hodeiertz abesbatzak egindako bidai berria.
Horrez gain, Aitor Lizartza ekintzaile tolosarrarekin izandako elkarrizketa etnzuteko aukera izango dugu. Tolosarra Mondragon Team Academy erakundeko zuzendaria da, eta berarekin hitz egin dugu aste honetan. Izan ere, datorren astean Tolosan ospatuko den EKIN, ekintzailetza jardunaldietan hartuko du parte, nazioarteko ekintzaile gehiagorekin batera. Jardunaldi hauen inguruan, eskualdeko ekintzailetasunaren egoerari buruz, eta gazteek ekiteko dituzten aukerei buruz aritu gara berarekin.
Azkenik, datozen egunetarako herriko ekitaldien errepasoa egingo dugu, agendari ematen diogun begiradan.