Tolosa, musikarien herria

Josu Artutxa Dorronsoro 2019ko mar. 28a, 11:00

Ostegunero bezala, hemen entzun ahal dituzue, ordubetean jasota, herriko azken berriak eta elkarrizketak, baita agendaren tartean, datozen egunetarako aurreikusita dauden ekitaldien inguruko informazioa ere.

Gaurkoan, Tolosan azken astean bildutako albisteak ekarriko ditugu estudiora. Batetik, KZguneko ikastaroen egitaraua zabaldu berri dute; bestetik, Jon Esnaola tolosarrak musikari gazte onenaren saria eskuratu berri du, eta azkenik, Oria ibaia garbitu dute.

Horrez gain, Miguel Angel Moreno tolosako ikasleen bandako zuzendariari eta Iñar Sastre piano joleei egindako elkarrizketen zati bana entzuteko aukera izango dugu. Lehenak, 25 urte daramatza Tolosako musika eskolako ikasleen banda zuzentzen. Bigarrenak, berriz, musika munduan ibilbide zabal eta oparoa egiten diharduen bitartean, disko berri bat atera du, eta bihar aurkeztuko du, Tolosan.

Azkenik, datozen egunetarako herriko ekitaldien errepasoa egingo dugu, agendari ematen diogun begiradan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!