Datozen egunetan, maiatzaren 12ra bitarte, Tolosan eta Basque Culinary Centerren HARAGI topaketa ospatuko da. Gaur iluntzean eman diote hasiera Tolosan ospatuko den festari, Botarri jatetxean egindako irekierarekin. Gonbidatuek afari ibiltaria egingo dute lau erretegitan barrena: Botarri, Burruntzi, Casa Nicolas eta Casa Julian bisitatuko dituzte, bertako produktuak dastatuz.
Bihartik igandera bitarte, parrilak piztuta edukiko dituzte leku bat baino gehiagotan, eta parrilan erretako bertako txuletaz gain, mundu osoko hainbat jaki dastatzeko aukera egongo da.
EGITARAUA
MAIATZAK 10, OSTIRALA
21:00. Afaria HIKA txakolindegian.
MAIATZAK 11, LARUNBATA
9:00. Erakustaldien hasiera (Euskal Herria plaza). Gonbidatuak: Uruguayko Diego Perez Sosa eta Txomin Parrilla.
12:00-13:30. SUA espazioa. Tolosako erretegietan barrena (30 minutuero). Tolosako txuleta tradizionala ezagutzeko esperientzia gastronomikoa, bertako parrilleroen eskutik. Mozketa teknikak, brasa pizteko modua eta txuleta erretzeko gako nagusiak irakatsiko dira. Ondoren, dastaketa. Iraupena: 30 minutu.
12:00-15:00. Dastatzea
15:00. Erakustaldiak. Parte hartzaileak:Txomin Parrilla, Joxean Goay, Barriola harategia eta Yilmaz Öztürk turkiarrak.
19:00-20:00. Dastatzea
MAIATZAK 12, IGANDEA
9:00. Erakustaldiaren hasiera. Gonbidatuak: Txileko Carolina Carriel eta Isidora Diaz eta Txomin Parrila.
12:00-14:00. Dastatzea
13:30-14:30. Bazkaria. 'Txuleta menua'. Tolosako erretegietako menu tradizionala, bertako lau erretegietako parrileroen eta nazioarteko gonbidatuen eskutik.