Geroz eta gutxiago geratzen da aurtengo sanjoanez gozatzeko. Festak ekainaren 21etik 24ra bitarte ospatuko dira. Tolosako Udaleko Kultura, Jaiak eta Gazteria sailak, ordea, abian jarri du jada aurtengo kartel lehiaketa.
Tolosako Udalaren webgunean aurkeztu behar dira lanak, eta epaimahaiak aukeratutakoen artean, herritarrek erabakiko dute irabazlea. Seigarrenez egingo da eta nahi duen orok har dezake parte. Ostirala bitarte aurkez daitezke proposamenak.
Kartelak fitxategi digital batean aurkeztu behar dira, www.tolosa.eus webgunean. Bertan azaltzen dira lehiaketaren baldintzak, prozesua eta lanen oinarriak. Aurkeztu ahala, kartel bakoitzari zenbaki bat esleituko zaio, identifikatzaile modura.
GAUR, BILERA IREKIA
Bestalde, Tolosako Udalak bilera irekia deitu du, elkarte, eragile eta interesa duten norbanakoentzat, sanjoanen antolakuntzan sakontzen jarraitzeko. Gaur izango da batzarra, 19:30ean, kultur etxean.
Tolosako Sanjoanak 2019
San Joan festak iristeko gogoz
Abian da jada aurtengo festetako kartel lehiaketa. Ostiralean amaituko da lanak aurkezteko epea, eta irabazleak 500 euroko ordainsaria eskuratuko du.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!