Kazkabarra, Kirikiño, Txiribitu, Atsedena, San Bernardo eta Ttenttek dira, urtero bezala, Tolosako Astelenita egunean pate hartzen ari diren taldeak. Bakoitzak gainerakoen aurrean leku berean dantzatu ondoren, ilaran joan dira San Frantzisko pasealekuan behera, dantzatzeko txandak errespetatuz.
Kazkabarrakoak, berebiziko espioiez eta Jerry nagusiaz mozorrotu dira; Kirikiñokoak, txitoz; San Bernardo taldekoak, Disneyren Vaiana filmeko pertsonaiaz; Txiribitukoak, rastafariz; Atsedenakoak, Autobus Magikoa marrazki biziduneko pertsonaiez; eta Ttenttek taldeakoak, berriz, Veneziako inauteriaz. Guztiek ere kantu eta koreografia desberdinak erabili dituzte.
Goizean ez ezik, arratsaldean ere dantzak egiteko tartea hartuko dute. Lehenago, baina, zezen plazako zezen festaz gozatzeko aukera dute.