Dianak esnatu du Zaldunita

Beste urte batez ez dute hutsik egin tolosarrek. Pijama eta etxeko zapatilak soinean, Dianara atera dira. Alde Zaharra festaz, abestiz eta dantzaz bete dute.

Abestiak agindu bezala, jeiki dira tolosarrak ohetik, baina pijamak erantzi gabe atera dira kalera, gaur diana tokatzen baitzen. 8:00etan Gorriti plazan zuten hitzordua. Haur, gazte nahiz helduek elkarri besotik heldu diote eta alde zaharreko kaleak igaro dituzte jeiki, jeiki abestuz. Musika bandak jotako doinuekin dantzan ere aritu dira plazetan egindako geldialdietan. Inauteriek beste behin ere alaitu dituzte tolosarrak, eta eguraldia lagun, bi ordu pasako ibilbidea egin dute. Plaza Berrian amaitu da Diana, eta ondoren, gehienak kafetegiren batera joan dira gosaldu eta indarrak berreskuratzera. Oraindik Zaldunita egun luzea dute aurretik.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!