Irrikaz hartu dute herritarrek Ostegun Gizena, eta horrekin batera, baita estreinako zezen festa ere. Tradizioari jarraituz, herritar mordoxka bat barneratu da zezen plazaren erdigunera, txarangen atzetik, eta horien erritmora eman dituzte itzuliak, zezenak atera aurretik. Presoen aldeko aldarriek ere presentzia izan dute, urtero legez, lehen itzulian. Hortik aurrera, eta behin adardunek erdigunea hartuta, ausartenak geratu dira hondarraren gainean. Batzuk besteak baino trebeago, izan da toreroen gisan, zezenak toreatzeko trebezia izan duenik ere. Inauteriak bezala, zezen festa ere, hasi besterik ez da egin!