Txupinazoa lehertu orduko hasi da Kabi Alai txaranga Ostegun Gizeneko lehen piezarekin: Sasikoipatsu. Plaza Zaharra lepo bete duten guztiak dantzan jarri dira orduan, olatu baten pare gora eta behera.
Juan Luis Garikano, Xabier Garikano eta Txepe Agirrezabala Zaldunita taldeko kideek bota dute txupinazoa gaur eguerdian Tolosako udaletxetik. Kabi Alai Inauterizale Kuttunen aurretik Hiru Errege Magoek irakurri dute pregoia, euskaltegitik atera berritan. Olentzero izan dute irakasle, eta nabaritu da: ekitaldi guztia euskara hutsean joan baita.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?