Emakumeen artean, lehenengo sailkatua Irati Lakunza Tolosako Igarondo Urpekoak taldeko kidea izan zen, 200 metro ur azaleko proban eta 100 metro eskafandran. Guztira 2.048 puntu pilatu zituen Lakunzak. Horrez gain, bi froga horietan Espainiako bi errekorrak hautsi zituen. 200 ur azalean 1.32,44-ko denbora egin zuen eta 100 eskafandran 41,65. Marka horrekin Munduko Txapelketarako sailkapena 6 ehunenekora geratu zaio tolosarrari. Erronka hori lortzen saiatuko da Elx-en, hurrengo Espainiako Txapelketa bertan jokatuko baita.
Irati Lakunzaz gain, Igarondo Urpekoak taldeko beste 25 igerilarik hartu zuten parte Ordizian. Haize Izagirrek laugarren postua lortu zuen kadete mailan, 200 metro ur azalean; Jon Barrel eta Sara Agirre finalean sartu ziren 50 ur azalekoan eta Jon Telleria 400 ur gainekoan finalean sartu zen.